Američki ratni bombarderi, takozvane ‘leteće tvrđave’, danas su preletjeli nebo iznad naše države.

Riječ je o dva aviona tipa B-52, koji su nadletjeli Sjevernu Makedoniju, Albaniju, Crnu Goru i Hrvatsku.

Dva aviona su oko 15 časova preletjela cjelokupnu obalu naše države, od Ulcinja do Boke i granice sa Hrvatskom. 

Oni su inače uzletjeli iz Skoplja, a prizemljeni su u Dubrovniku.

Bombarderi B-52 imaju mogućnost i da nose nuklearno oružje, a današnji let predstavljao je akciju ‘demonstracije posvećenosti saveznicima iz NATO-a’.

„Svrha svakog preleta je da demonstriramo predanost i jemstvo SAD NATO saveznicima i partnerima koji se nalaze u Jugoistočnoj Evropi“, saopšteno je iz sjedišta američkih vazdušnih snaga u Evropi.