Grad je zvanično definisan veličinom stanovništva, ali za mnoge ljude, veličina njegovih zgrada podjednako je važna. Od početka 20. vijeka, čini se da su se metropole širom svijeta takmičile u izgradnji nebodera.

Treba biti prezican i reći da se ne može svaka visoka zgrada nazvati neboderom. Većina arhitekata se slaže da je 150 metara minimalna visina da bi neka zgrada bila okarakterisana ovom imenicom.

Na osnovu tog kriterijuma, Hongkong je svjetska prijestonica nebodera. Ovaj istočnoazijski grad je dom za skoro 550 zgrada koje dostižu preko 150 metara visine. Od tih zgrada, Međunarodni trgovački centar je najviši i on se penje 484 metara u visinu.

Šenžen u Kini ima drugu najveću koncentraciju visokih građevina na listi. Iako sadrži skoro 200 nebodera manje od Hongkonga, njegova najviša zgrada je impresivnija, navodi Mental Floss. Međunarodni finansijski centar Ping An, visok 600 metara, peti je najviši neboder na Zemlji.

Na trećem mjestu je Njujork u Sjedinjenim Državama, a četvrti je Dubai u Ujedinjenim Arapskim Emiratima; oba imaju nebodere koji premašuju najviši u Hongkongu. Svjetski trgovinski centar 1 u Njujorku je visok 541 netar, a Burdž Kalifa u Dubaiju se uzdiže na 828 metara, što ga čini najvišom građevinom na Zemlji, prenosi City magazin.

Evo kako izgleda kompletna lista 25 gradova u svijetu sa najviše nebodera:

* Hongkong // 546 nebodera
* Šenžen, Kina // 351 neboder
* Njujork, SAD // 303 nebodera

* Dubai, U.A.E. // 241 neboder
* Šangaj, Kina // 180 nebodera
* Guangdžou, Kina // 175 nebodera
* Tokio, Japan // 167 nebodera

* Kuala Lumpur, Malezija // 153 nebodera
* Čungking, Kina // 140 nebodera
* Čikago, SAD // 134 nebodera
* Vuhan, Kina // 119 nebodera

* Čengdu, Kina // 113 nebodera
* Džakarta, Indonezija // 110 nebodera
* Bangkok, Tajland // 109 nebodera
* Šenjang, Kina // 97 nebodera

* Singapur // 94 nebodera
* Seul, Južna Koreja // 82 nebodera
* Mumbaj, Indija // 81 neboder
* Busan, Južna Koreja // 77 nebodera

* Toronto, Kanada // 77 nebodera
* Tiandžin, Kina // 74 nebodera
* Naning, Kina // 71 neboder
* Nanking, Kina // 68 nebodera

* Melburn, Australija // 68 nebodera
* Panama, Panama // 66 nebodera