Crnogorska atletičarka Marija Vuković osvojila je zlatnu medalju na Meditearnskim igrama u Oranu.

Naša atletičarka slavila je u disciplini skok u vis.

Prvi put se pojavila na zaletištu na 181 centimetar i preskočila iz prvog puta, kao i na visini od 187.

Na 190 je jednom rušila ljestvicu, za razliku od Grkinje Tatjane Gusin, koja je iz prvog pokušaja došla na centimetar od ličnog rekorda, prenosi RTCG.

Nijedna druga takmičarka nije preskočila tu visinu, pa je ostalo da njih dvije riješe ko će biti šampionka.

Marija je odmah preskočila 192 i ovjerila zlato.