Izvršni direktor Elektroprivrede Crne Gore (EPCG) Nikola Rovčanin, reagovao je povodom pojedinih neistinitih tvrdnji iznijetih u više medija o radu čelnih ljudi EPCG, u kojima se navodi na koji se način novo rukovodstvo osigurava u slučaju nepoželjnih scenarija.

U svom reagovanju navodi:

1. U mom ugovoru nema otpremnine od 75 000 ili 90 000€, IZBRISAO SAM JE! Moj prethodnik je to uzeo za 24 sata.

2. U mom ugovoru piše da ako budem razriješen prije vremena, da se raspoređujem do isteka manadata na radno mjesto u okviru moje stručne spreme (jer mi je ugovor na 4 godine zaključen) i da radom sa tog mjesta ostvarujem zaradu koja je 70% ugovorene. Dakle, ne sjedim kući i ne dobijam nikakav novac na poklon, već gle čuda, ugovor o radu mi daje pravo da radim do isteka mandata, što je potpuno realno i čisto. Prethodnici su dobili na poklon do 90 000 za jedan dan, nisu radili ni sata za taj novac. Razlika?

Takođe, kao što zakon o državnim službenicima i namještenicima omogućava u slučaju prestanka mandata prije vremena, da funkcuoner ostvaruje 12 mjeseci zarade, tako i ovakvi ugovori u privredi daju pravo rada do isteka mandata. Dakle,ZA NOVAC KOJI SU MOJI PRETHODNICI UZELI ZA 24 SATA, JA ĆU RADITI 4 GODINE, u slučaju razriješenja i nastavka rada.

3. NE KORISTIM SLUŽBENI STAN EPCG koji se nalazi u City kvartu površine 118m2, već plaćam zakup za stan od 54m2 iz svog džepa.