Nakon sjajnog starta sezone, fudbaleri Petrovca nanizali su tri remija. Novi su upisali večeras pred svojim navijačima, gdje ih je iznenadio Rudar. Na kraju je bilo kao i na početku – 0:0.

Pljevljaci su se uglavnom branili, tražeći priliku iz kontri, dok su domaći gotovo sve vrijeme napadali.

No, kako je vrijeme odmicalo, polako se u redove Petrovčana uvlačila i nervoza, što im je – utisak je – uz izuzetno raspoloženu odbranu Pljevljaka, večeras bila još jedna otežavajuća okolnost na putu ka pobjedi.

U samom finišu uslijedila je velika gužva na terenu, u nju su se uključili i igrači sa klupe obje ekipe, tako da su završne momente, umjesto šansi, uglavnom obilježile tenzije – kako na terenu, tako i na večeras dobro popunjenim tribinama.