Policija u Šavniku je i danas na terenu i nastavlja potragu za nestalim staricama Milosavom Božović (82) iz sela Dubrovsko, kod Šavnika i Sonjom Marijom Alm (73), iz susjednog sela Duži.

“Zajedno sa brojnim mještanima i lokalnim službama ulažemo dodatne napore na pronalasku ovih osoba koristeći sva raspoloživa sredstva i opremu”, kazali su iz Stanice policije Šavnik.

Milosava Božović nestala je 2. novembra, nakon što je otišla da vrati ovce sa ispaše.

Sonja Marija Alma je živjela u Švedskoj i u ovo selo došla je nakon penzionisanja, prije nekoliko godina. Tu je boravila, a društvo joj je pravilo 15-ak pasa.