Fudbaleri Argentine neočekivano su poraženi su od Saudijske Arabije 2:1 u meču 1. kola Svjetskog šampionata u Kataru.

Argentina je jako dobro započela meč, imala nekoliko prilika, a povela već u 10. minutu kada je Lionel Mesi uspio da realizuje penal.

I nakon toga „Gaučosi“ su bili bolji rival, Lautaro Martinez je dva puta tresao mrežu protivnika, ali su mu golovi poništavani zbog ofsajda.

Prvi šok Saudijska Arabija priredila je u 48. minutu kada je Saleh Al Šehri pogodio i poravnao rezultat u Dohi.

Samo šest minuta kasnije uslijedio je drugi šok. Ovoga puta Saudijci do gola stižu preko Salema Al Davsarija za vođstvo 2:1.

Nokautirana Argentina imala je dvije dobre prilike preko Taljafika i Mesija, ali je oba puta dobar bio golman Al Vajs.

U nadoknadi vremena prijetio je Alvarez, ali je mreža ostala mirna.

Ovo je zasigurno najveća pobjeda Saudijske Arabije u istoriji, a za Argentinu velika glavobolja pred preostala dva kola grupne faze.

U drugom meču ove grupe večeras igraju Poljska i Meksiko.